Kitui

Ndongoi sya Kitui kukiakisya musyi wa Nyenze

Ndongoi kivathukanyo sya kaundi ya Kitui nisyendee na utuma ngethi syoo sya ukiakisyo kwi musyi wa ula ei muyumbe wa kiliombunge kya kitui kya uthuiloni wa sua kauntini ya kitui Francis Nyenze itina wake kukw’a kiokoni kya umunthi kwa kwithiwa ethiitwe e muwau kwa ilungu yiasa.

Matongoewe ni ngavana wa kaunti ya kitui muwandu Charity Kaluki Ngilu ula wa tuma ukiakisyo wake kwa mitandao ya mauvoo nimaweta kana mututia Nyenze ta mutongoi unaaina kithito kya uthukuma enenthi ma kilio kyake kwa wiananu kuma ila wasakuiwe kwi mwaka wa 1997,2013,2017.

Ngilu aweta tauthukumite na nyenze nthini wa mbunge nene kavindani kala wai minista muveani wa Kiwu na ungithya wa miunda vala amenda enenthi ma kilio kii kwithiwa na umiisyo ivindani yii yumu.

Nake muyumbe wa kiliombunge kya kitui kya kati kauntini ya kitui Makali Mulu vamwe na muyumbe wa kitui kya itheo Racheal kaki Nyamai onamo mainatiwa itina kutuma ngethi syoo sya ukiakisyo maiweta kana kilio kii ta kyoosya ndongoi inaisi wia wayo wa kuthukuma enenthi kwa wailu.

Vaa ni ovamwe na MCA kauta kuma isio kivathukanio kuma kauntini ya kitui.

Most Popular

To Top