Mwii wa kamwana ka ukuu wa myaka 16 niwaumwa ni ikundi ite ya selekali ya musalava mutune

0
2332

Mwii wa kamwana ka ukuu wa myaka 16 kwoneka na waumwa silangani wa mulungu,kitui kya uthuiloni wa sua..

Mwii wa kamwana ka ukuu wa myaka 16 kuma utuini wa mulungu ula wi kwa Mutonga/kithumula ward,kitui kya uthuiloni wa sua kaundini ya kitui yuu tii niwaumwa ni ikundi iteaselekali ya musalava mutune(red cross) yi muamba na enenthi ma kisio kii na watwawa nyumbani ya usuvia mii ya akw’u sivitalini wa selekali wa kitui kitui level 4,itina wa kamwana kaa uvota silangani wa mulungu kwi wakataano wa matuku 8/12/2017 kavinda kala unathambia silangani uu na anyanyae.

Ngavana wa kaunti ya kitui charity kaluki Ngilu na ula wavika silanga uu kwona undu iseso ii yutwaiwa oundumwe na ukiakisya enenthi ma utui uu,niwakatha muno enenthi ma kisio kii nundu wa kwiyumilya na utetheanisya kwa vamwe kumanza mwii wa kamwana kaa,niwasya kana selekali yake nikutwaa anake ma kisioni kii ala meyumilitye kati wa angi aingi ma kaunti ii ya kitui mavundiwe kuthambia ta nzia imwe ya uthinikiaa kwa mituki kavinda kala mbanga ya muthemba uu yakitika.

Mca wa ward ii David Thuvi nake niwatungia enenthi ma ward ii muvea nundu wa kuumiisya kuma muthenyani iyoo oundumwe na kwiyumilya nthini wa iseso ya utetheanisya kwa vamwe kumanza mwii wa kamwana kaa,aimenda asyai masuvia syana syoo kavindani kaa mbua yendeeye na kuwa nikana kwivengana na mbanga sya muthemba uu.

Munene wa amauka kaundini ya kitui muveani wa National youth council Aggrey Nzomo niwakatha muno itambya ya musavala mutune vamwe na enenthi nundu wa kwiyumilya na kuumisya kuma kwi muthenya wa iyoo,ila iseo ya umantha mwii wa kamwana kaa inambiiye aikwata mbau uneeni wa Ngavanga Ngilu wa kana enenthi nimeuvundiswa uthambia nikana ila mbanga sya muthemba uu syakitika,itetheaniawe kwa mituki..

 

 

Facebook Comments